venres, 23 de febreiro de 2024

DÍA DE ROSALÍA NA BIBLIOANTIOQUÍA


 

Hoxe, no Día de Rosalía, á árbore da BiblioAntioquía  saíronlle follas novas. 


E, de súpeto, volveuse o mellor espazo para facer soar a Rosalía, muller de verso e dor, de amor e sombra, de terra e loita, precursora de tanto e inspiración para tantos.


martes, 20 de febreiro de 2024

EL BOSQUE ROJO NO CLUBE DE LECTURA

Nova reunión dos membros máis novos de Ao pe da Letra. Despois da presentación de El bosque rojo pola súa autora, Sabela Álvarez Veloso, realizaron a súa lectura e este luns, 19 de febreiro, tocaba conversar sobre ela cuns doces como perfecto complemento.





xoves, 8 de febreiro de 2024

QUE VIVA O ENTROIDO!

 O alumnado de 3º ESO C adicou os días previos a Entroido a traballar a información e a imaxe para elaborar uns fantásticos carteis promocionais do Entroido de diferente localidades ourensás que ben poderías atopar en calquera parede, rede social ou local. Fantástico traballo!



mércores, 7 de febreiro de 2024

FESTA, DIVERSIÓN, SENTIMENTO... E CONCURSO!

 Atención alumnado do IES Cidade de Antioquía. Chega un concurso de Entroido. Premiaremos a orixinalidade, a maxia, a emoción, pero sobre todo a vosa capacidade de recoller nunha imaxe o sentimento entroideiro limiano.

Animádevos a participar!




luns, 5 de febreiro de 2024

xoves, 1 de febreiro de 2024

SAN VALENTÍN IDIOMÁTICO

 Colabora en San Valentín co alumnado de Francés e de Portugués que preparan cadansúa inmersión lingüística. Pasa pola porta da cafetería ou pola entrada principal e fai os teus encargos.




luns, 29 de xaneiro de 2024

venres, 26 de xaneiro de 2024

NAS TERTULIAS LITERARIAS DE OURENSE

 As experiencias positivas deben repetirse; por eso, Ao pé da Letra volveu este 24 de xaneiro ásTertulias Literarias de Ourense. Desta vez, a obra que compartimos foi As alumnas de Paula Carballeira.







luns, 15 de xaneiro de 2024

OS MAIORES DO CLUBE DE LECTURA

Primeira xuntanza da sección adulta do clube de lectura Ao pé da Letra

Celebramos o inicio de 2024 compartindo pratos e relatos. Falamos sobre as nosas más recentes experiencias lectoras e acordamos un título común para a próxima xuntanza: Un amor, de Sara Mesa.

Salientamos a apertura a novas formas de lectura, como as plataformas dixitais; a repercusión da nosa Feira solidaria do Libro de Segunda Man, na que atopamos aventuras fascinantes, ou as tradicionais recomendacións. Elisabet Benavent, Edurne Portela, Roy Galán,... Poesía, novela, ensaio,... Calquera oportunidade para a lectura é un tesouro.





venres, 15 de decembro de 2023

UN ANO MÁIS, GRAZAS!

Rematada a III Feira do Libro de segunda man, só queda darvos as grazas a toda a comunidade educativa: por comprar, por botar unha man nos recreos, polo tempo adicado, polas doazóns, e porque sen a vosa colaboración o obxectivo nos estaría cumprido, e máis que cumprido! Se o obxectivo eran 300 euros, a recaudación ascendeu a 415 euros que xa están ingresados na conta do Banco de Alimentos. 

Que saibades que Belén, alma mater de esta actividade, xa está mergullada na organización da cuarta edición deste evento. Acadaremos os 500?

luns, 11 de decembro de 2023

MERCADILLO A BENEFICIO DO INTERCAMBIO CON FRANCIA

 O alumnado de Francés prepara o seu intercambio con Francia. Para financiar a actividade, durante esta semana venderán complementos, obxectos de decoración e demais detalliños de segunda man.




E se queres optar a esta cesta de Nadal, tamén podes mercar rifas. Anímate!



luns, 4 de decembro de 2023

AO PÉ DA LETRA DOS MÁIS NOVOS


O clube de lectura dos máis noviños abriu hoxe o curso lector cunha reunión con Sabela Álvarez Veloso, alumna de 1º de Bacharelato do noso instituto. Sabela publicou este verán a súa primeira novela, El bosque rojo, e quen mellor ca ela para presentar o seu libro. Os intres con ela foron unha preciosa invitación á lectura e á escritura como actividades de lecer.






venres, 1 de decembro de 2023

DECEMBRO DE CONCURSOS

Participa nos concursos de decembro.

Empezamos polo tradicional Concurso de postais de Nadal e de paisaxes de inverno.  

O premio consiste en material de debuxo ao que se sumará un agasallo sorpresa.


E seguimos coa ambientación do centro. Desta vez toca facer unha árbore de Nadal con materiais reutilizados. Polo tanto, debe ser unha árbore sustentable, 3R e 3D.



Lembramos que no concurso de decoración de aulas por Nadal de decembro de 2022 producíronse desperfectos nas aulas que derivaron no repintado das mesmas durante o verán, así que dende principios deste curso escolar está prohibido pegar carteis, decoración e demais nas paredes das aulas, dos corredores e doutros espazos do instituto. Por este motivo, procederemos á descalificación das aulas nas que non se respecte esta prohibición.

O premio, neste caso, será para a aula-grupo que presente a mellor árbore 3R-3D. Aínda que é un premio grupal, cada alumno/a do grupo recibirá un vale canxeable na cafetería.

mércores, 29 de novembro de 2023

O NOSO PROXECTO SOLIDARIO

 Un ano máis, e xa van tres, organizamos a nosa feira solidaria do libro de segunda man. De novo, este curso, eleximos como destinataria unha obra social de proximidade e repetimos co Banco de Alimentos de Ourense, que fai unha labor impagable nos tempos que corren.

Polo noso posto de libros atoparás todo tipo de literatura: infantil, xuvenil, misterio, historia, ciencia ficción, novela romántica, entre outros xéneros, pero tamén cine, non ficción e outras pequenas sorpresas... A procedencia dos libros é variada. Baséase en doazóns privadas, en compras en webs solidarias, neste caso, Libros Melior, en intercambios con outras bibliotecas, coma neste caso a Biblioteca Municipal de Celanova, que cambia libros por kilos,...  Tamén compramos na librería ourensá Re-Read, que adoitan agasallarnos coas súas recomendacións para o alumnado, pero tamén con algún libro extra.

Con este proxecto favorecemos a limpeza dos andeis das casas da nosa comunidade educativa, para facerlle oco ás novidades, contribuímos a darlle unha segunda vida áos libros, ofrecemos cultura a prezos atractivos e, sobre todo, favorecemos a educación en valores, especialmente, a solidariddade.

E non podemos pechar esta entrada sen citar a Ana Belén Figueira, profe de Inglés, colabora incansable na dinamización da BiblioAntioquía e principal responsable de que esta proposta creza ano a ano. Grazas pola implicación persoal, polas horas extra, pola labor de investigación sobre os gustos literarios da comunidade educativa e polos bos intres que pasamos contigo no recreo véndote vender area no deserto.

Aínda queda moito por ver. Agardámoste na porta da biblio.

BARATOS E SOLIDARIOS!

 Aínda quedan días e temáticas diversas, pero non esquezas dar unha voltiña nos recreos pola porta da BiblioAntioquía.




martes, 28 de novembro de 2023

QUE TEMOS PARA HOXE?

 Non te esquezas de pasar polo noso posto de libros na porta da BiblioAntioquía, cada día haberá novidades e sorpresas coas que disfrutar da lectura. Aquí deixamos o menú...



luns, 27 de novembro de 2023

A BIBLIOANTIOQUÍA COMPROMETIDA CON 25 DE NOVEMBRO

 Un ano máis a BiblioAntioquía visibiliza o seu compromiso coas mulleres nesta data tan especial a través da promoción de diferentes iniciativas. Ademais, de elaborar o cartel oficial do noso centro, volvemos ir máis aló...

Para conmemorar o 25 de novembro, integrantes do clube de lectura repartiron pulseiras, vestimos o noso manequín violetas e rodeámolo de mensaxes cheos de significado...


... Mensaxes que grazas a Susana, a profe de Xeografía e Historia, elaboran os máis pequenos do instituto e que cubren corredores e muros do Cidade. Dende logo, esta é unha preciosa maneira de concienciar e de homenaxear ás mulleres que loitan día a día e ás que xa non poden facelo...




... E precisamente para esas mulleres que xa non poden loitar, Celsa e Esther, as profes de Matemáticas, e o seu alumnado de 2º ESO encheron a entrada e o corredor do primeiro andar de estrelas negras, estrelas cos nomes de cada unha das mulleres que neste último ano perderon a vida pola violencia de xénero. Angélica e Yolanda, profes de Castelán, contriubuíron a esta homenaxe con lúas moradas nas que se poden ler versos de cancións e poemas que reivindican o valor das mulleres.




E co alumnado de Valores Éticos de 3º ESO, Anaís, a profe de Filosofía, analizou o primeiro disco de Rosalía, El Malquerer, unha perfecta mostrar do proceso que viven as mulleres que sofren maltrato.







III FEIRA SOLIDARIA DO LIBRO DE SEGUNDA MAN

 Entre os días 27 de novembro e 5 de decembro celebramos a nosa III Feira solidaria do libro de segunda man, de novo, a beneficio do Banco de Alimentos de Ourense. E desta vez temos un obxectivo...


venres, 24 de novembro de 2023

XA ESTAMOS A PUNTO!

 Temos xa preparado o posto de libros solidarios e este ano temos un obxectivo... A polos 300 euros!



De novo, os fondos que se recauden serán ingresados na conta do Banco de Alimentos de Ourense.

mércores, 22 de novembro de 2023

AO PÉ DA LETRA NAS TERTULIAS DE ALLARIZ

Unha das actividades máis enriquecedoras que ofrecen os clubes de lectura é compartir tempo e opinións, e se ademais coñecemos xente nova, mellor. Esto é o que fixo o noso clube de lectura na Tertulia de Allariz o pasado 21 de novembro. En compañía do IES de Allariz, do IES A Laboral (Ourense) e do IES Ferro Couselo (Ourense), compartimos tertulia presencial e radiofónica con Alba Guzmán Falcón sobre o seu libro Xoaniña de Deus.


luns, 6 de novembro de 2023

PRIMEIROS AGASALLOS DO CURSO CO SAMAÍN

 Velaquí temos aos gañadores e gañadoras dos concursos de Samaín.



Grazas pola vosa participación! O mellor agasallo da BiblioAntioquía é que crezades con nós.


luns, 30 de outubro de 2023

mércores, 25 de outubro de 2023

OBRADOIROS DE SAMAÍN

 A BiblioAntioquía ofréceche a posibilidade de que participes na decoración de Samaín, estás a tempo de acudir aos nosos obradoiros dos recreos.