venres, 26 de maio de 2017

Día das Letras Galegas

Este ano o día das Letras estivo máis vencellado que nunca á Limia. Por iso, o alumnado do IES Cidade de Antioquía levaba tempo traballando coa obra de Carlos Casares.




A semana das Letras Galegas foi o cumio da súa relación co escritor limiao:  a véspera do día propio  

espuxeron os seus traballos na bilblioteca e noutros espazos do centro.










E a sorpresa foi que estes traballos non foron só gráficos senón tamén dóces! Seguro que podedes sentir o arrecendo!





E, o propio día, no acto central en Xinzo, a nosa Paula Limia comezou a lectura homenaxe a Casares co Conto de verán que prologa O galo de Antioquía escrito polo seu fillo Hakan






Velaí o grupo de 1° dando conta das obras en dóce...







Que celebración máis boa! Parabéns as persoas participantes!

mércores, 10 de maio de 2017

El desorden que dejas

O xoves 27 de abril o alumnado do club coñeceu en Ourense ao autor de El desorden que dejas, Carlos Montero e foi o gañador do XX Premio de Primavera de novela 2016. 


el desorden que dejas (premio primavera de novela 2016)-carlos montero-9788467047264Y tú, ¿cuánto vas a tardar en matarte? é a inquietante pregunta que atopa escrita nun papel dentro do seu bolso a protagonista deste triler psicolóxico no seu primeiro día de traballo. A partir de aí, inicia a súa busca de respostas, o que se acabará convertindo nunha obsesión. Interesante, como se puxo de manifesto na reunión no Liceo de Ourense de alumnado que leu o libro.


O alumnado do nos club de lectura ompartiu mesa, mantel e tertulia co alumnado de Allariz, Maceda, Ribadavia e a nosa veciñanza do IES. Lagoa de Antela. 
Finalmente unímonos ao alumnado de Ourense en tertulia co autor.


mércores, 26 de abril de 2017

Día do libro. Eduardo Mendoza

               Entre tantos movementos pillounos o día do libro coa casa a medio barrer.
Empezamos esta semana coas actividades programadas para este evento. Por exemplo: empezan a chegar os carteis que fixo o alumnado con frases alusivas ó pracer de ler.



































E recordamos a obra de Eduardo Mendoza, con motivo da entrega do premio Cervantes









luns, 24 de abril de 2017

Recolocámonos!

Volvemos de vacacións con ganas de traballar. O espazo de literatura xuvenil quedáranos pequeno e por iso buscámoslle acomodo noutros andeis.
Que vos parece a nova ubicación: máis céntrica, máis espazosa, máis visible. Tanto mimo para os libros que máis movementos  de  préstamo teñen.




Andeis de literatura xuvenil.



E, xa metidas en recolocacións, conseguimos novos equipos informáticos novos do trinque e decidimos cambiarlle a ubicación. Agora toca coidalos con esmero para ter sempre un camiño aberto ás consultas na rede dentro da nosa Biblioteca.!

Novos equipos informáticos.

luns, 3 de abril de 2017

Outra proposta


Aquí tedes outra proposta de lectura para o reto da editorial Galaxia.
 Trátase dunha recente compra da nosa Biblioteca, por iso vos animamos a meterlle o dente a esta historia sorprendente sobre un episodio histórico totalmente esquecido: a viaxe dun nenos que foron levados a América para transportar dentro dos seus corpos a vacina da varíola. Estraño, non é?




luns, 27 de marzo de 2017

Reto lector

A editorial Galaxia proponnos un reto ben interesante: trátase de ler dous libros da editorial, coleccións Árbore, Coste Oeste ou Literaria, e animar a outras persoas a lelos.

  • Como? Mediante un video de ata dous minutos, para cada un dos libros, no que contedes o contido, o que vos gustou e as razóns polas que o recomendades
  • Que se valora?  A claridade na exposición, o poder de persuasión e a creatividade na elaboración do video.
  • Cal é o prazo? Ata o 31 de maio de 2017
  • Quen se pode presentar? Estudiantes de entre 12 e 16 anos.
  • Cal é o premio? Ademais do gusto de ver os vosos videos circulando polo espazo lector, podedes ganar: 1 Ipad de última xeración e lotes de libros.
Aquí tedes as bases completas. Se tedes dúbidas, preguntade ás vosas profes de lingua ou a alguén da biblioteca. 

Animádevos a participar! Aquí tedes unha escolma mínima de posibilidades:




mércores, 15 de marzo de 2017

Clube de lectura

 O venres, día 10 de marzo, achegouse a Xinzo Antón Riveio Coello, autor do libro A ferida do vento, última lectura do clube de lectura de profes do IES Cidade de Antioquía e Lagoa de Antela.
Ademais, un grupo de alumnas de 2º de bacharelato uniuse ó clube e participou intensamente no coloquio sobre a obra, ambientada en Xinzo.

O acto tivo lugar no Museo do Entroido de Xinzo. Aproveitamos  para recomendar encarecidamente a súa visita e, por suposto, agradecerlle a súa acollida.


a ferida do vento-anton riveiro coello-9788498657357






luns, 13 de marzo de 2017

8 de marzo. Día das mulleres

A nosa biblioteca enfeitouse para ocasión: paneis informativos, imaxes de mulleres científicas, escritoras ou políticas, a cor lila por todas partes...




Chegou o día e saímos ó patio amosarnos negras como a pena por tanta muller morta pola violencia machista. Os homes tamén están do noso lado.
Ademais, o alumnado de matemáticas coa súa profesora Eva, sorprendeunos cunha expo-actividade sobre a matemática Sophie Germain



Mirade que traballos máis que chulos:







Recordamos tamén que neste mesmo blog, se picades na etiqueta mulleres, podedes ver que temos xa unha boa traxectoria celebrando este día. Hai moita info que segue sendo boa para recordarnos a situación da muller a través da historia.


Parabéns a todas e todos por participar e facer visibles as mulleres!

luns, 6 de marzo de 2017

Marchou o Entroido!

E a biblioteca do Cidade de Antioquía acolleu unha nova exposición realizada polo alumnado.
Desta volta, puidemos informarnos das tradicións ourensáns tan arraigadas nos nosos pobos para celebrar o Entroido.


E, como non, o venres, paseáronse por aquí moitas máscaras antes de acudir ó gran desfile de Xinzo.

mércores, 15 de febreiro de 2017

Dia Internacional da Muller e da Nena na ciencia

Imaxe do documental sobre as irmás De la Vega.O sábado, 11 de febreiro, celebrouse o Día Internacional da Muller e a Nena na Ciencia na procura de “lograr o acceso e a participación plena e equitativa na ciencia para as mulleres e as nenas". 

Deixamos aquí material para que pescudedes sobre a vida de mulleres que loitaron por traballar en distintos campos da ciencia e da investigación. Foron abrindo o camiño para que hoxe en día, polo menos teoricamente, non haxa barreiras que nos impidan ser o que queiramos:






  • Mulleres matemáticas:



luns, 6 de febreiro de 2017

XLIV PREMIOS LITERARIOS "MINERVA". COSMOGONÍA, COSMOGRAFÍA, CAOS

Acabamos de recibir o volume que recolle os textos premiados este ano no certame literario convocado polo colexio Manuel Peleteiro destinado a estudantes galegos menores de 20 anos.
Coma nas anteriores 43 edicións, os textos premiados son fantásticos e paga a pena lelos.
Os seus nomes incorpóranse á lista de gañadores, algúns deles de recoñecido prestixio nos nosos días como Darío Xoán Cabana, Olga Novo, Suso de Toro, Fernando Ónega, Rafa Villar,  ou Sechu Sende.

Os premiados foron Iago González García, Inés Outomuro Rodríguez, ambos do IES E.Blanco Amor de Ourense, Tamara Fernández Labrada, Laura Regueiro Romero, Nuria Fernández Robledo e Laura Dautón Otero na modalidade de poesía. 
Na modalidade de narración: Amaia Tomé, Cecilia Fidalgo Castromil, Iago González García, Alba Pérez Barcala, Laura Regueiro Romero e Ángela Lamas Gómez.